ئەندامانی ناتۆ پێکهێنانی ناوچەی ئارامیان لە سووریا تاوتوێ کرد
بەشی جیهان- کۆبوونەوەی وەزیرانی بەرگریی وڵاتانی ئەندام لە هاوپەیمانی باکووری ئەتڵەسی کۆتایی هات و کێشەکانی سووریا تەوەرێکی سەرەکی کۆبوونەوەکان بووە.
کوردپرێس: بەگوێرەی زانیارییەکان وەزیری بەرگریی ئەمریکا بە وەکالەت پێشنیازێکی داوەتە وڵاتان بۆ دروست کردنی ناوچەی ئارامی سووریا و گەڕانەوەی ئاسایش بۆ رۆژهەڵاتی فورات.
نوێنەری وڵاتان لەبارەی کۆتایی هاتنی داعش لە سووریا و عێراق و قۆناغی پاش داعش پلانی داهاتوویان تاوتوێ کرد. مژاری دیکەش هاتووەتە رۆژەڤ ئەویش دروست کردنی سوپای ئەورووپایە.
سکرتێری گشتیی ناتۆ رایگەیاند: ئەندامانی ناتۆ لەسەر پرسی پەیماننامەی مووشەکە دوورمەودا و مامناوەندەکان "ئای ئێن ئێف" یەکگرتوون و هاوڕان و نیگەرانن لەوەی رووسیا ئەو پەیماننامەیە پێشێل دەکات.
فێدریکا مۆگیرینی، بەرپرسی کاروباری دەرەوەی یەکێتیی ئەورووپا رایگەیاند: "كۆنفرانسی سێیه‌م تایبەت بە سووریا له بروكسل ساز ده‌كه‌ین".
کۆدی هەواڵنێر: 60113
بۆچوونی بەکارهێنەران