بەڕێوەبەری گەشەپێدانی پێوەندییە ئابوورییەکانی نێوان ئێران لەگەڵ عێراق و سووریا:
مەرزی سەیرانبەندی بانە پێگەیێکی تایبەتی لە پێوەندیی ئابووریدا هەیە
بەشی کوردستان- بەڕێوەبەری گەشەپێدانی پێوەندییە ئابوورییەکانی نێوان ئێران لەگەڵ عێراق و سووریا ڕایگەیاند: سنووری سەیرانبەندی بانە پێگەیێکی تایبەتی لە پێوەندییە ئابوورییەکاندا هەیە و دەبێت تۆکمە بکرێت.
بەپێی هەواڵی کوردپرێس، حەسەن دانایی فەر ڕۆژی یەکشەممە سەردانی بازاڕچەی سەیرانبەندی بانەی کرد و وتی: هەر بەو چەشنەی کە کارە سەرەتاییەکانی لە مەرزی باشماخ لە هەردوو لاوە ئەنجام دراوە، سەیرانبەندیش ئامادەکاریی بۆ کراوە و هەموو ژێرخانە گرینگەکان فەراهەم کراون.
ناوبراو وتیشی ئێمە لەگەڵ لایەنی عێراقی بۆ ڕەسمی کردنی سنوورەکە خەریکی دانووستانین و لایەنی عێراقی بەشێوەی فەرمی ڕای ئێمەی پرسیوە و سەرقاڵی تاوتوێ کردنی پرسەکەین.
بەڕێوەبەری گەشەپێدانی پێوەندییە ئابوورییەکانی نێوان ئێران لەگەڵ عێراق و سووریا وتیشی بە ئاوڕدانەوە لە بروکراسی ئیداری کاتێکی مەعلووم بۆ ڕەسمی بوونی مەرزی سەیرانبەند دیاری نەکراوە بەڵام خەرێکی تاوتوێ کردنی بابەتەکەین.
کۆدی هەواڵنێر: 60113
زیاتر بخوێنەوە
هەواڵی پێشوو و داهاتوو
بۆچوونی بەکارهێنەران