دایرە حکوومییەکانی کوردستان ئەمڕۆ دوو کاتژمێر پشوو دەدرێن
بەشی کوردستان- بەبۆنەی 12ی ڕەبیعول ئەوەڵەوە کە سەرەتای حەفتەی وەحدەتە دایرە فەرمی و حکوومییەکانی پارێزگای کوردستان ئەمڕۆ سێشەمە 29ی گەڵاڕێزان 2 کاتژمێر کەمتر دەوام دەکەن.
کوردپرێس:
ئەمڕۆ سێشەمە 25ی گەڵاڕێزان بەرانبەر بە 20ی تشرینی دووهەمی 2018 یە کە بەرانبەرە بە 12ی "ریبع الاول"ی 1440 و بە بڕوای ئەهلی سوننە ساڵیادی لە دایک­بوونی پێغەمبەری ئیسلامە (د.خ).
هەر بەو بۆنە پیرۆزەوە جێگری پارێزگاری کوردستان لە ڕاگەیێندراوێکدا وتوویەتی دایرە فەرمی و حکومییەکان و بانکەکان و ڕێکخراوەکانی پارێزگای کوردستان کاتژمێر 12ی نیوەڕۆ دەوامیان تەواو دەبێت واتا 2 کاتژمێر کەمتر لە ڕوژانی دیکە دەوام دەکەن.
شیاوی ئاماژەیە هەر ئەمڕۆ بە بۆنەی یادی لەدایک­بوونی پێغەمبەری ئیسلامەوە (د.خ) حکوومەتی هەرێمی کوردستانی عێراقیش پشووی فەرمیی ڕاگەیاندووە و دایرە حکوومییەکان پشوو دراون.
بۆچوونی بەکارهێنەران