4 ئەندامی داعش لە بەری ڕۆژهەڵاتی مووسڵ دەستگیر کران
بەشی عێراق و هەرێمی کوردستان- وەزارەتی ناوخۆی عێراق ڕایگەیاند 4 ئەندامی داعشیان لە بەری ڕۆژهەڵاتی مووسڵ دەستبەسەر کردووە.
کوردپرێس:
بەپێی هەواڵێکی ئیتیجاەپرێسی عێراقی، لیوا سەعد مەعن وتەبێژی وەزارەتی ناوخۆی عێراق وتوویەتی هێزە ئەمنییەکانی ئەو وڵاتە ڕۆژی شەمە 10ی تشرینی دووهەمی 2018 بەپێی کۆمەڵێک زانیاری و هەواڵگریی ئەمنی توانییان 4 ئەندامی گرووپی تیرۆریستیی داعش لە ناوچەی قودس، کەڕامە و ئینتیسار لە بەری ڕۆژهەڵاتی مووسڵ دەستبەسەر بکەن.
مەعن زیادی کرد: لە نێوان دەستبەسەرکراواندا یەک ژنیش دەبینرێت کە لەو سەردەمەدا کە داعش دەسەڵاتی بەسەر شارەکەدا بوو لە بەشێک شارەکەدا کە بە "الحسبە" ناسراوە کاری بۆ داعش دەکرد.
بۆچوونی بەکارهێنەران