نەتەوە یەکگرتوەکان پشتیوانیى خۆى بۆ حکوومەتی نوێی عێراق دەردەبڕێت
بەشی عێراق و هەرێمی کوردستان- یان کۆبیش نێردەی نەتەوەیەکگرتوەکان لە عێراق لەگەڵ عادل عەبدولمەهدى کۆ بوونەوە و باسیان لە ئاوەدان کردنەوەى عێراق کرد.
بەپێی هەواڵی کوردپرێس، نێردەى نەتەوە یەکگرتوەکان لە عێراق چاوى بە عادل عەبدولمەهدى سەرۆک وەزیرانى عێراق کەوت و بارودۆخى سیاسى و ئابوریی عێراق و پرۆسەى ئاوەدان کردنەوەى عێراق و بەرنامەى داهاتووى نەتەوە یەکگرتوەکانیان لە عێراق تاوتوێ کرد.
یان کۆبیش پشتیوانیى نەتەوە یەکگرتوەکانى بۆ عێراق و حکوومەتى عێراق دەربڕى بە سەرۆکایەتى عادل عەبدولمەهدى.
لاى خۆشیەوە، عادل عەبدولمەهدى، تەئکیدی کردەوە لەسەر گرنگیى پشتیوانیى نێودەوڵەتى بۆ عێراق لە قۆناغى داهاتوودا، کە قۆناغى گواستنەوەیە بۆ ئاوەدان کردنەوەى وڵات و بەرهەم هێنان و دابین کردنى خزمەتگوزارییەکان و دەرفەتى کار بۆ هاوڵاتیان.
کۆدی هەواڵنێر: 60113
زیاتر بخوێنەوە
هەواڵی پێشوو و داهاتوو
بۆچوونی بەکارهێنەران