رووسیا: خاک و سەروەریی سووریا لە لایەن ئەمریكاوە داگیركراوە
بەشی جیهان- ماریا زاخارۆڤا، وتەبێژی وەزارەتی دەرەوەی رووسیا رایگەیاند كە ئەو ناوچەیەی كە ئەمریكا لە باشووری سووریا داگیری كردووە، جێگەی نیگەرانییە.
بەپێی هەواڵی کوردپرێس، لە كۆنفرانسێكی رۆژنامەوانیدا ماریا زاخارۆڤا رایگەیاند: ئەمریكا بەردەوامە لە كاركردن لەگەڵ گرووپە كوردییەكان لە باكووری رۆژهەڵاتی سووریا و بە هەمان شێوەیە ناوچەیێكی لە باشووری ئەو وڵاتەشی داگیر كردووە.
وتەبێژی وەزارەتی دەرەوەی رووسیا وتیشی: "خاک و سەروەریی سووریا بە ئاشكرا لەلایەن ئەمریكاوە داگیرا كراوە و دۆخی ناوچەی تەنف-ی باشووری وڵات جێگەی نیگەرانییە".
وەزیری دەرەوەی رووسیا، سێرگی لاڤرۆڤ لە لێدوانێكیدا بۆ میدیاكانی فەڕەنسا رایگەیاندبوو كە ئەمریكا بەردەوامە لە بەكارھێنانی كوردەكانی سووریا و گوتیشی: "ئەمریكا بە 'پڕۆژەی كوردستان' لە سووریا یارییەكی مەترسیدار دەكات".
سەرچاوە: ڕادیۆ نەوا
کۆدی هەواڵنێر: 60113
زیاتر بخوێنەوە
هەواڵی پێشوو و داهاتوو
بۆچوونی بەکارهێنەران