ڕووداوی هاتوچۆ لە مەلەکشاییی ئیلام قوربانیی لێکەوتەوە
بەشی ئیلام- جێگری فەرماندەی ئینتزامیی مەلەکشایی ڕایگەیاند لە ڕووداوێکی هاتوچۆدا لە شاری مەلەکشایی یەک هاووڵاتی گیانی خۆی لە دەست دا و چواری دیکەش بریندار بوون.
کوردپرێس:
عەقید کەرەمی جێگری فەرماندەی ئینتزامیی شاری مەلەکشایی لەو بارەیەوە ڕایگەیاند: بەهۆی پێکدادانی دوو ئوتۆمبیلی جۆری نەیسان و بیجۆ لە میحوەری ئیلام بۆ مەلەکشایی هاووڵاتیێک گیانی لە دەست دا و 4ی دیکەش بریندار بوون.
ناوبراو زیادی کرد: لە ڕووداوەکەدا یەک لە هاووڵاتییان دەستبەجی گیانی لە دەست دا و بریندارەکانی ئەو ڕووداوە گوازرانەوە بۆ نەخۆشخانە.
عەقید کەرەمی گوتیشی: ناوچەی دەرگناو لە باری ستاندەری ترافیکییەوە ناوچەیێکی مەترسیدارە و زیاترین ئاماری ڕووداوی هاتوچۆی شاری مەلەکشایی لەو میحوەرەدایە.
ناوبراو سەبارەت بە هۆکاری ڕووداوەکەش وتی تا ئەم کاتە هۆکاری ڕووداوەکە دیار نییە و بەدواداچوون و تاوتوێی ڕووداوەکە دەکەن.
بۆچوونی بەکارهێنەران