وه‌زیرانی ده‌ره‌وه‌ی تورکیا و فه‌ڕه‌نسا کۆ بوونه‌وه
به‌شی تورکیا- وه‌زیری ده‌ره‌وه‌ی تورکیا له‌گه‌ڵ وه‌زیری ده‌ره‌وه‌ی فه‌ڕه‌نسا کۆ بوویه‌وه.
به‌پێی هه‌واڵی کوردپرێس، مه‌ولوود چاووش ئۆغڵۆ وه‌زیری ده‌ره‌وه‌ی تورکیا که له میانی سه‌ردانێکی فه‌رمی له فه‌ڕه‌نسایه له شاری پاریسی پایته‌خت کۆبوونه‌وه‌یێکی دووقۆڵی له‌گه‌ڵ ژان ئیڤ لۆدریان وه‌زیری ده‌ره‌وه‌ی فه‌ڕه‌نسا ئه‌نجام دا.
له کۆبوونه‌وه‌که‌دا پێشھاته‌کانی ناوچه‌که به تایبه‌تی سووریا و په‌یوه‌ندییه دووقۆڵییه‌کان و رۆژه‌ڤه ھاوبه‌شه‌کانی فه‌ڕه‌نسا و تورکیا تاوتوێ کراوه.
کۆبوونه‌وه‌که دوور له چاوی راگه‌یاندنکاران نزیکه‌ی کاتژمێرێک و ١٥ خوله‌کی خایاند.
سه‌رچاوه: هه‌واڵده‌ریی ئه‌نادۆڵو
کۆدی هه‌واڵنێر: 60103
بۆچوونی بەکارهێنەران