لە یەکەمین دانیشتنى خولی چوارەمی ئه‌نجومه‌نى نوێنه‌ران:
فواد مەعسووم جەخت لەسەر بەرەنگاریی گەندەڵی دەکاتەوە
بەشی عێراق و هەرێمی کوردستان- فوئاد مەعسووم سەرۆک کۆماری عێراق لە دەستپێکی دانیشتنى ئه‌نجومه‌نى نوێنه‌ران گوتی: "دەبێ دەستکەوتەکانی پێشوو بپارێزین. فرەڕەنگی و یەکسانی لە نێوان پێکهاتەکان هێز بە حکوومەتی عێراق دەدات. دەبێ حکوومەتی داهاتوو رەنگدانەوەی سەرجەم پێکهاتەکان بێت".
بەپێی هەواڵی کوردپرێس، سەرۆک کۆماری عێراق بە ئاماژەدان بەوەی عێراق پێگەی هەرێمی و نێودەوڵەتی خۆی بەدەست هێناوەتەوە گوتی: "پێویستە رێز لە بڕیاری دامەزراوە دەستوورییەکان بگیرێت. دەبێ رووبەڕووی گەندەڵی و تیرۆر ببینەوە. پێویستە ریفۆرم لە سیستەمی سیاسی و ئەمنیمان بکرێت".
فوئاد مەعسووم بەپێویستی دەزانێت، ئابووری عێراق پێداچوونەوەی پێدابکرێت و دەڵێت: "دەبێ سەرچاوەکانی داهات و بەرهەمهێنان بگۆڕین. تەنیا پشتبەستن بە نەوت، مەترسییە بۆسەر ئابووری و داهاتی عێراق".
سەرچاوە: بەغداد نیووز
کۆدی هەواڵنێر: 60113
بۆچوونی بەکارهێنەران