ڕاوێژكارێكی سه‌رۆک کۆماری عێراق دواخستنی یه‌كه‌م دانیشتنی نوێنه‌ران ڕه‌ت ده‌كاته‌وه‌

به‌پێی هه‌واڵی کوردپرێس، د. عه‌بدوڵڵا عه‌لیاوایی ڕاوێژكاری سه‌رۆک كۆماری عیراق ڕای‌گه‌یاند: ئه‌و هه‌واڵانه‌ی كه‌ له‌ چه‌ند كه‌ناڵێكی ڕاگه‌یاندن بڵاو بوونه‌ته‌وه‌ و باس له‌ دواخستنی واده‌ی یه‌كه‌م كۆبوونه‌وه‌ی ئه‌نجومه‌نی نوێنه‌رانی نوێ ده‌كات سه‌رجه‌میان دوورن له‌ ڕاستییه‌وه و پێویسته‌ له‌سه‌ر كه‌ناڵه‌كانی ڕاگه‌یاندن، به‌رپرسیارانه‌ مامه‌ڵه‌ بكه‌ن و هه‌واڵه‌كانیان له‌ سه‌رچاوه‌ی دروست و باوه‌ڕپێكراوه‌وه‌ وه‌ربگرن.

عه‌لیاوایی ڕاشیگه‌یاند: به ‌هیچ شێوه‌یێک كات و ڕۆژی یه‌كه‌م دانیشتنی ئه‌نجومه‌نی نوێنه‌رانی نوێ دوانه‌خراوه ‌و كۆبوونه‌وه‌كه‌ له ‌كاتی دیاریكراوی خۆیدا ئه‌نجام ده‌درێت كه‌ پێشتر سه‌رۆكایه‌تیی كۆمار دیاری كردبوو كه‌ 3 ی مانگی ئه‌یلووله‌.

سه‌رچاوه‌: PUK media

کۆدی هه‌واڵنێر: 60103