تورکیا لە دەزگای بازرگانیی جیهانی سکاڵای دژ بە ئەمریکا تۆمار کرد
بەشی تورکیا- تورکیا دژ بە گەمارۆ ئابوورییەکانی ئەمریکا بۆ سەر تورکیا سکاڵای بۆ دەزگای بازرگانیی جیهانی بەرز کردەوە.
کوردپرێس:
پاش ئەوەی موناقەشەی نێوان ئەمریکا و تورکیا بەبۆنەی قەشە ئەمریکییەکەوە پەرەی سەند و ئەمریکا دژ بە تورکیا گەمارۆی ئابووریی سەپاند، ئەنقەرە لە دەزگای بازرگانیی جیهانی سکاڵای دژ بە واشەنتۆن تۆمار کرد.
دەزگای بازرگانیی جیهانی لە پەیجی تایبەتی خۆی لە تویتەر هەواڵەکەی پشتڕاست کردۆتەوە و نووسیویەتی: تورکیا سکاڵای دژ بە ئەمریکا تۆمار کردووە ئەوەش لە بەر زیادکردنی ڕسووماتی هاوردەکردنی ئالەمنیۆم و ئاسنی تورکی لەلایەن ئەمریکاوە.
پەکجان وەزیری بازرگانیی تورکیا لەو بارەیەوە وتوویەتی: لە دەزگای بازرگانیی جیهانی داوامان لە ئەمریکا کردووە بێتە سەر مێزی گفتوگۆ و بەو پێیەش تۆمارکردنی سکاڵای تورکیا دژ بە ئەمریکا دەستی پێکردووە.
بۆچوونی بەکارهێنەران