حەسەن ڕۆحانی و ڤلادمیر پووتین کۆ بوونەوە
بەشی ئێران- لەمیانی بەڕێوەچوونی پێنجەمین خولی لووتکەی وڵاتانی سەر دەریای خەزەر لە کازاخستان ، حەسەن ڕۆحانی سەرۆک کۆماری ئێران و ڤلادمیر پووتین سەرۆکی ڕووسیا کۆ بوونەوە.
بەپێی هەواڵی کوردپرێس، لە کۆبوونەوەکەدا ڕۆحانی جەختی لە پێویستی پەرەپێدانی پەیوەندییەکانی نێوان تاران و مۆسکۆ لە بوارە جیاجیاکاندا کرد.
سەرۆک کۆماری ئێران ئاماژەی بەوەش کرد، هاوکارییە دوو لایەنە و چەند لایەنەکانی ئێران و ڕووسیا لە پرسە ناوچەیی و نێودەوڵەتییەکاندا لەوانەش، پاراستنی ئاسایشی ناوچەکە و شەڕی دژبە داعش لە سووریا، کاریگەری ئەرێنی لە ناوچەکە هەبووە و پێویستە ئەو هاوکارییە تا ڕیشەکێش کردنی "تیرۆریزم" بەردەوامبێت.
هاوکات ڤلادمیر پووتین سەرۆکی ڕووسیا ڕایگەیاند: وڵاتەکەی ئامادەیە بۆ دەستەبەرکردنی بەرژەوەندییە هاوبەشەکان پەرە بە پەیوەندییەکانی لەگەڵ ئێران بدات.
کۆدی هەواڵنێر: 60113
زیاتر بخوێنەوە
هەواڵی پێشوو و داهاتوو
بۆچوونی بەکارهێنەران