چاودێرێکی سیاسیی عێراق:
عەبادی بە نیازی ماننەوە لە دەسەڵات لێپرسینەوە لە وەزیرە عێراقییەکان دەکات
بەشی عێراق و هەرێمی کوردستان- چاودێرێکی سیاسیی عێراق بڕوای وایە ئامانجی عەبادی لە ناردنی دۆسیەی چەند وەزیرێکی عێراقی بۆ دەستەی دەستپاکی ئەوەیە خۆی خۆشەویست بکات و لە دەسەڵاتدا بمێنێتەوە.
کوردپرێس:
حەسەن عەلەوی لەو بارەیەوە بە ئاژانسی معلوومەی عێراقی وتووە حەیدەر عەبادی بە مەبەست، دۆسیەی چەند وەزیری عێراقیی ناردووە بۆ دەستەی دەستپاکی ئەوەش بە بێ ناوبردن لە وەزیرەکان و ئامانجی عەبادی لەو کارەشی ئەوەی لە دەسەڵاتدا بمێنێتەوە.
عەلەوی زیادی کرد: بەیاننامەکەی نووسینگەی عەبادی لەبارەی ناردنی دۆسیەی وەزیرە عێراقییەکان بۆ دەستەی دەستپاکی بەیانێکی ناڕوون و ناشەفاف بوو و لە چوارچێوەی دەستووری عێراقدا نەبوو لە بەر ئەوەی لە بەیاننامەکەدا ناوی وەزیرەکان نەهاتووە هەر بۆیەش ئەوە بەیاننامەیێکی نافەرمییە.
ناوبراو جەختی کردەوە: ئەو چەشنە ڕەفتارانەی عەبادی دەبێتە هۆی سەرهەڵدانی زیاتری دووفاقی لە عێراق.
بۆچوونی بەکارهێنەران