ئه‌ندامی پارتی دیموکراتی کوردستان:
هێشتاکه فراکسیۆنی گه‌وره‌ی په‌رله‌مانی عێراق پێک نه‌هاتوووه
به‌شی عێراق و هه‌رێمی کوردستان- ئه‌ندامی ده‌سته‌ی دانووستانکاری پارتی دیموکراتی کوردستان له‌گه‌ڵ به‌غدا ده‌ڵێت: هێشتاکه فراکسیۆنی گه‌وره‌ی په‌رله‌مانی عێراق پێک نه‌هاتوووه.
به‌پێی هه‌واڵی کوردپرێس، شوان محه‌مه‌د تاها به هه‌واڵده‌ریی شه‌فه‌ق نیووزی وتوووه: ده‌بێ فراکسیۆنی گه‌وره‌ی په‌رله‌مان پاش قبووڵ‌کردنی ئه‌نجامی فه‌رمیی هه‌ڵبژاردن پێک بێت هه‌ر بۆیه هێشتاکه فراکسیۆنێک پێک نه‌هاتوووه و ئێستاکه هیچ یه‌ک له حیزبه سیاسییه‌کان ناتوانن هاوپه‌یمانی له‌سه‌ر پێکهێنانی فراکسیۆنی گه‌وره‌ی په‌رله‌مان بکه‌ن.
ناوبراو له‌باره‌ی هه‌ڵوێستی کورد هه‌مبه‌ر هاوپه‌یمانێتییه سیاسییه‌کان له عێراق ده‌شڵێت: کورد له‌گه‌ڵ پلان و به‌رنامه‌ی ده‌وڵه‌تی داهاتوو ته‌عامول ده‌کات و هیچ جۆره ته‌عامولێکی له‌گه‌ڵ که‌سایه‌تییه سه‌ربه‌خۆکان نابێت و ئه‌و شته‌ی که لای کورده‌وه گرینگه به‌ڕێوه‌به‌رایه‌تیی ئاینده‌ی ده‌وڵه‌ته.
کۆدی هه‌واڵنێر: 60103
بۆچوونی بەکارهێنەران