دادگای نەینەوا سزای لەسێدارەدانی بۆ ئەندامێکی داعش دەرکرد
بەشی عێراق و هەرێمی کوردستان- دادگای تاوانەکانی نەینەوا بڕیاری دا بە لەسێدارەدانی ئەندامێکی ڕێکخراوی داعش.
بەپێی هەواڵی کوردپرێس، لەوبارەوە قازی عەبدولستار بەیرەقدار، وتەبێژی فەرمیی ئەنجومەنی دادوەری باڵا، ڕایگەیاندووە: "دەستەی دووەمی دادگای تاوانەکانی نەینەوا بڕیاری داوە بە لەسێدارەدانی یەکێک لە تیرۆریستەکانی سەربە ڕێکخراوی داعش کە بە موھاجیر ناسراوە."
ناوبراو وتووشیەتی: "سزادراوەکە ژمارەیێک لە ھاوڵاتی مەدەنی لە پیاوان و ژنان لە قەزای شەنگال سەربڕیوە و سەرەڕای ئەوەش لە دژی ھێزە ئەمنیی و سەربازییەکان لە مووسڵ شەڕی کردووە."
عەبدولستار بەیرەقدار ڕوونیشی کردووەتەوە دادگاکە بەپێی مادەی چوارەم بڕگەی یەکەمی یاسای بنبڕکردنی تیرۆر بڕیاری داوە تۆمەتبارەکە لەسێدارە بدرێت بە ھەڵواسین ھەتا مردن."
کۆدی هەواڵنێر: 60113
بۆچوونی بەکارهێنەران