نوێنەری پێشووی گۆڕان لە پەرلەمانی عێراق:
شاندی سعوودیا و پارتی دیموکرات لەبارەی دەوڵەتی نوێی عێراق ڕێکەوتوون
بەشی عێراق و هەرێمی کوردستان- نوێنەری پێشووی گۆڕان لە پەرلەمانی عێراق دەڵێت: شاندی سعوودیا و پارتی دیموکراتی کوردستان لەبارەی پێکهێنانی دەوڵەتی نوێی عێراقەوە ڕێکەوتنی نهێنییان هەیە.
بەپێی هەواڵی کوردپرێس، تاڤگە ئەحمەد لە گفتوگۆ لەگەڵ هەواڵدەریی مەعلوومەدا وتیشی: شاندی سعوودیا لە دیداری ئەم دواییەدا لەگەڵ پارتی و یەکێتی لەبارەی داخڵ بوونی ئەو دوو حیزبە بە هاوپەیمانێتییەکانی بەغدا بەمەبەستی بەدەست هێنانی ئیمتیازی سیاسی و پێکهێنانی دەوڵەتی نوێی عێراق گفتوگۆیان کردووە.
ناوبراو دەڵێت واشنتن و ڕیاز گوشاریان خستۆتە سەر دوو حیزبی دەسەڵاتداری هەرێمی کوردستان بۆ بەشداری کردنیان لە پێکهێنانی دەوڵەتی نوێی عێراق و لە کۆبوونەی ئەم دواییەدا نەخشە ڕێگای تەڤڵ بوونی ئەو دوو حیزبە بە هاوپەیمانێتییەکانی بەغدا داڕێژراوە.
کۆدی هەواڵنێر: 60113
بۆچوونی بەکارهێنەران