گفتوگۆی مەسعوود بارزانی لەگەڵ وەزیری دەرەوەی فەڕەنسا لە سەر دواپێشهاتەکانی عێراق و هەرێم
بەشی عێراق و هەرێمی کوردستان- وەزیری دەرەوەی فەڕەنسا لە درێژەی دیدارەکانی خۆی کە لە عێراق و هەرێمی کوردستان کردوویەتی لەگەڵ مەسعوود بارزانی سەرۆکی پارتی دیموکراتی کوردستان دیدار و گفتوگۆی کرد.
کوردپرێس:
ڕۆژی هەینی ١٧ـی ٧ـی ٢٠٢٠ مسعود بارزانی سەرۆکی پارتی دیموکراتی کوردستان پێشوازیی لە ژان ئێڤ لۆدریان وەزیری دەرەوەی فەڕەنسا کرد.
لە دیدارێکی دۆستانەدا باس لە پەیوەندییەکانی فەڕەنسا و عێراق و هەرێمی کوردستان و دوا پێشهاتەکانی بارودۆخی سیاسی و ئابووری و جموجۆلەکانی داعش و ئەو قەیرانانەی بە هۆی پەتای کۆڕۆناوە ڕویان لە عێراق و هەرێمی کوردستان کردووە کرا.
هەروەها پشتیوانیە هەمیشەییەکانی فەڕەنسا لە مافە دەستوورییەکانی هەرێمی کوردستان و ڕۆڵی گرینگی فەڕەنسا لە بەرەنگار بوونەوەی داعش و پەیوەندی هەرێم بە حکوومەتی فیدراڵ تەوەرێکی تری دیدارەکە بوون.
هەر لە دیدارەکەدا وەزیری دەرەوەی فەڕەنسا خۆشحاڵیی خۆی بە سەردانی هەرێمی کوردستان و بینینەوەی مەسعوود بارزانی دەربڕی.
زیاتر بخوێنەوە
هەواڵی پێشوو و داهاتوو
بۆچوونی بەکارهێنەران