نوێنەری کوردستان لە پەرلەمان:
هەڵگرتنی ڤیزە لە نێوان ئێران و عێراق پێوەندییەکانی نێوان دوو وڵات ئاسان دەکاتەوە
بەشی کوردستان/کوردی- نوێنەری شارەکانی سنە و کامیاران و دیواندەڕە لە پەرلەمانی ئێران دەڵێت: هەڵگرتنی ڤیزە لە نێوان ئێران و عێراق پێوەندیی ئەم دوو وڵاتە لە کەرتە جیاوازەکاندا ئاسان دەکاتەوە.
بەپێی هەواڵی کوردپرێس، ئەحسەن عەلەوی ڕایگەیاند: سەفەری سەرۆک کۆماری ئێران بۆ عێراق و لابردنی ڤیزەی نێوان دوو وڵات بڕیارێکی ژیرانە بووە دەبێتە هۆی ئاسانکاری و متمانەی زیاتر لە پێوەندییەکانی نێوان ئێران و عێراق.
ئەحسەن عەلەوی ئاماژەی دا بە هاوبەشیی فەرهەنگی و ئایینی ئێران و عێراق و وتی کاتێک کە سنوورێک لە نێوان ئەم دوو وڵاتەدا نەبێت پێوەندیی نێوان خەڵکی هەردوو وڵات زیاتر دەبێت و ئەمەش بەستێن خۆش دەکات بۆ گەشەی پێوەندییەکان لە هەموو بوارەکاندا.
کۆدی هەواڵنێر: 60113
زیاتر بخوێنەوە
هەواڵی پێشوو و داهاتوو
بۆچوونی بەکارهێنەران