شرۆڤەکارێکی پرسی کورد:
یەکخستنی هێزەکانی پێشمەرگە زامنی مانەوەی قەوارەی هەرێمی کوردستانە
بەشی جیهان- فەرهەنگ نامداری بڕوای وایە یەکخستنی هێزەکانی پێشمەرگە و ئاسایشی سەربە دوو حزبە دەسەڵاتدارەکەی هەرێمی کوردستان ڕۆڵی سەرەکیی هەیە لە بەهێز بوونی ئەم ناوچەیە.
بەپێی هەواڵی کوردپرێس، فەرەیدوون فەرهەنگ نامداری، شرۆڤەکاری پرسی کورد، ئاماژەی دابە کێشە و ناکۆکییەکانی ئەم دواییەی نێوان هاوسەرۆکانی یەکێتیی نیشتمانیی کوردستان و هۆشداری دا لەبارەی پاشهاتەکانی وابەستەیی سیاسیی هێزە سەربازی و ئەمنییەکانی هەرێمی کوردستان.
نامداری کە چەندین وتاری لەبارەی پرسی کوردەوە لە گۆڤارە جیاجیاکاندا لەوان نەشناڵ ئینترێست بڵاو کردۆتەوە دەنووسێت: خاڵی سەرەکیی لاوازیی هەرێمی کوردستانی عێراق بوونی چەند هێزی جیاوازی سەربازی و ئەمنییە کە سەر بە دوو حزبی دەسەڵاتداری دیموکرات و یەکێتین.
ناوبراو جەختی کردەوە کە ڕەمزی مانەوەی قەوارەی هەرێمی کوردستان یەکخستن و یەکپارچە کردنی هێزە سەربازییەکانی ئەم دوو حزبەیە و ئەمەش ئاسایشی ئەم ناوچەیە گەرەنتی دەکات.
کۆدی هەواڵنێر: 60113
بۆچوونی بەکارهێنەران