تورکیا بوەتە دوژمنی کورد
«حسێن مەستۆ» ئەندامی مەکتەبی سیاسی پارتی دیموکراتی کوردستانی سووریا (الپارتی) لە گفتوگۆ لەگەڵ کوردپرێسدا ئاماژەی دا بە هێرشە نوێکانی تورکیا دژ بە پەکەکە لە هەرێمی کوردستانی عێراق و چیای گارە و وتی: تورکیا ڕێگای دوژمنایەتی لەگەڵ کوردی گرتۆتە پێش.
ناوبراو درێژەی دا: سیاسەت، پارتی دەسەڵاتداری (داد و گەشە)ی تورکیای کردوتە دوژمنی کوردەکان.
ئەندامی مەکتەبی سیاسی پارتی دیموکراتی کوردستانی سووریا (الپارتی) وەبیری هێنایەوە: هێرشەکانی تورکیا بۆسەر هەرێمی کوردستان هەر بە نیەتی دەست درێژی کردنە و ئەو وڵاتە بەبیانووی شەڕی پەکەکە مافی کوردەکان پێشێل دەکات.
ناوبراو زیادی کرد هەموو ڕەوتە کوردییەکام مافی خۆیان هەیە و پێویستە حکوومەت لە چوارچێوەی چارەسەر کردنی داخوازییەکاندا تەعامول لەگەڵ کورد بکات.
حسێن مەستۆ وتیشی: پرسی کورد ڕێگاچارەی سەربازیی نییە و تورکیا دەبێت ڕێگای گفتوگۆ بگرێتە پێش.
کۆدی هەواڵنێر: 60113
بۆچوونی بەکارهێنەران