فایننشاڵ تایمز:
پشتگیریی ئەمریکا لە PYD ڕێگری سەرەکییە لەبەردەم ئاسایی بوونەوەی پەیوەندییەکانی ئەنقەرە و واشنتن
بەشی جیهان- گۆڤتاری فایننشاڵ تایمز دەنووسێت: ئەگەر ئەمریکا درێژە بە هاوکاری و پشتگیری کردن لە هێزە کوردییەکانی باکووری سووریا نەدات، ئاسایی بوونەوەی پەیوەندییەکانی تورکیا و ئەمریکا ئاسانتر دەبێت.
بەپێی هەواڵی کوردپرێس، گۆڤاری فایننشاڵ تایمز لە یادداشتێکدا بڵاوی دەکاتەوە یەکێک لە هۆکارەکانی ململانێی نێوان ئەمرکیا و تورکیا هاوکاریی واشتنە لە پارتی کوردیی یەکێتیی دیموکراتیکی سووریا کە کونترۆڵی ناوچە کوردنشینەکانی سووریای بەدەستۆیە.
گۆڤارەکە جەخت دەکاتەوە کە ئاستەنگی زۆر هەن لەبەردەم ئاسایی بوونەوەی پەیوەندییەکانی تورکیا و ئەمریکا و بۆ ئاسایی بوونەوەی پەیوەندییەکان پێویستە ئەمریکا دەست لە پشتگیری کردن لە پەیەدە لە سووریا هەڵبگرێت و گەڕانەوەی تورکیا بۆ بەرنامەی بەرهەمهێنانی فڕۆکەی شەڕکەری F-35 قبووڵ بکات و بۆ باشتر بوونی پەیوەندیی تورکیا لەگەڵ یەکێتیی ئەورووپا هەوڵ بدات.
بەڵام ئەم گۆڤارە بە دەسەڵاتدارانی تورکیای ڕادەسپێرێت بۆ دابەزاندنی هەستی دژە ئەمریکی لە تورکیا هەوڵ بدەن.
کۆدی هەواڵنێر: 60113
بۆچوونی بەکارهێنەران