خەڵکی کوردستانی سووریا لایەنگری سەرۆککۆماریی بایدەنن
کوردپرێس:
فەتحوڵڵا حوسەینی ئەندامێکی نوێنەرایەتیی ئیدارەی خۆسەری باکوور و خۆرهەڵاتی سووریا لە هەرێمی کوردستان لە لێدوانێکدا بۆ کوردپرێس ئاماژەی بە شوێندانەریی سەرۆککۆماری داهاتووی ئەمریکا لە سەر دۆزی کوردی سووریا کردووە و دەڵێت: ئەمریکا وڵاتێکی سیستەماتیکییە و تێزی سیاسیی دیاریکراوی هەیە بەڵام لەسەردەمی ترەمپدا سێ شاری هەرەگرینگی کوردستانی سووریا واتا عەفرین و گرێسپی وسەرێکانی لە لایەن تورکیاوە داگیر کران.
ناوبراو گوتیشی: هاووڵاتییانی کوردستانی سووریا پێیان باشترە کە بایدەن ببێتە سەرۆککۆماری ئەمریکا.
حوسێنی زیادی کرد: پێوەندیی نێوان بایدەن و تورکیا باش نیە و ئەوەی کە پێوەندیی سەرۆککۆماری ئەمریکا لەگەڵ تورکیا باش نەبێت بە قازانجی کوردە.
ئەو ئەندامەی نوێنەرایەتیی ئیدارەی خۆسەری باکوور و خۆرهەڵاتی سووریا لە هەرێمی کوردستان ئاشکراشی کرد: هاتنی بایدەن دەبێتە هۆی پاراستنی هاوسەنگیی دەسەڵات لە خۆرهەڵاتی ناوەڕاست و ڕێگەی دەستوەردان و داگیرکاریی زیاتر بە تورکیا نادات.
ناوبراو ئەوەشی بیر هێنایەوە کە گەشبینن بە هاوکاری کردن لەگەڵ بایدەن و پێیان خۆشە یارمەتییەکانی ئەمریکا بۆ کوردستانی سووریا بەردەوام بێت.
بۆچوونی بەکارهێنەران