ئیلهام ئەحمەد:
هیوادارین لە هەڵبژاردنی تورکیا حکوومەتێک بەرهەم بێت کە باوەڕی بە دیالۆگ ببێت
بەشی سووریا- سەرکردەیەک لە ئەنجومەنی سووریای دیموکرات ئامادەیی خۆی بۆ مامەڵەکردن لەگەڵ حکوومەتی نوێی تورکیا دەربڕی ئەگەر باوەڕی بە ئاشتی هەبێت.
بەپێی هەواڵی کوردپرێس، بڕیارە هەڵبژاردنەکانی تورکیا لە 14ی ئایار بەڕێوەبچێت و لەمبارەوە ئیلهام ئەحمەد، سەرۆکی دەستەی کارگێڕی ئەنجومەنی سووریای دیموکرات لە تویتێکدا ڕایگەیاند، ئامادەین لەسەر بنەمای دابین کردنی ئاسایش و ئارامی و چارەسەر مامەڵە لەگەڵ حکوومەتی نوێی تورکیادا بکەین.
ئەحمەد هەروەها هیوای خواست کە لە هەڵبژاردنەکاندا حکوومەتێک بەرهەم بێت کە باوەڕی بە ئاشتی و دیالۆگ هەبێت بۆ چارەسەرکردنی کێشەکانی ناوچەکە.
بۆچوونی بەکارهێنەران