بەستێن بۆ ڕێککەوتنی هەمەلایەنە لەنێوان هەرێمی کوردستان و حکوومەتی عێرق فەراهەمە
بەپێی هەواڵی کوردپرێس، ڕۆژنامەی لوانتی بەریتانی دەڵێت دواهەمین خولی دانوستان لەنێوان مستەفا کازمی و نێچیرڤان بارزانی زەمینەخۆشکەر بوو بۆ ئەوەی کە کوردەکان و حکوومەتی ناوەندیی بەغدا بگەنە ڕێککەوتن..
گۆڤارەکە جەخت دەکاتە هۆکاری ئەگەری گەیشتن بەم ڕێککەوتنەش پشتگیرییەکانی ئەمەریکایە لە دانوستانەکانی نێوان بارزانی و کازمی.
بەم حاڵەیشەوە ڕۆژنامەکە هۆشداری دەدات گۆڕەپانی سیاسیی عێراق و ناوچەکە پێش بینی کراو نییە، بۆیەش دەبێت چاوەڕوان بین کە هەولێر و بەغدا بە چ شێوەیێک ئەم هەلومەرجە بەڕێوە دەبەن. گەیشتنی ئەم دوولایەنە بە ڕێککەوتنێکی گشتگیر بەستێن فەراهەم دەکات بۆ ڕزگار بوونی عێراق لە شەڕ و ماڵ وێرانی و پەتا و ئەمەش ئابووری ئەو وڵاتە دەبووژێنێتەوە.
گۆڤارەکە ڕاشیدەگەیێنت کە بەڕێوەبردنی ڕیفراندۆمی سەربەخۆیی لە هەرێمی کوردستان نیشاندەری ئەوەیە کە کوردەکان هەر کات کە بتوانن هەوڵ بۆ سەربەخۆیی دەدەن و حکوومەتی عێراقیش بەپێی توانای خۆی هەوڵی کونترۆڵ کردنی هەرێمی کوردستان دەدات و ڕێگری دەکات لە جیابونەوەی ئەو ناوچەیە.
کۆدی هەواڵنێر: 60113
بۆچوونی بەکارهێنەران