70 تووشبووی نوێ بە پەتای کۆرۆنا لە عێراق تۆمار کران
بەشی عێراق و هەرێمی کوردستان- ئەمڕۆ دووشەممە 70 تووشبووی نوێ بە پەتای ڤایرۆسی کۆرۆنا لە عێراق تۆمار کران، سێ تووشبووی پەتاکەش گیانیان لەدەست دا.
بەپێی هەواڵی کوردپرێس، وەزارەتی تەندروستی و ژینگەی عێراق بڵاوی کردەوە لە ماوەی 24 کاتژمێری رابردوودا 70 تووشبووی نوێ بە پەتای کۆرۆنایان تۆمار کردووە، بەمەش ژمارەی تووشبووانی پەتاکە لە عێراق گەیشتە یەک هەزار و 31 تووشبوو.
تووشبووەکانی ئەمڕۆ تۆمار کراون، چواریان لە بەغدان، نۆ لە بەسران، چوار لە نەجەفن، دوو لە کەربەلا و حەفتیش لە زی قارن. هەروەها لە هەولێر 41 تووشبوو و لە سلێمانی سێ تووشبووی نوێ تۆمار کراون.
وەزارەتەکە رایگەیاندووە کە لە دوێنێوە سێ کەسی تووشبوو گیانیان لەدەست داوە، دوویان لە بەسرا و یەکیان لە بەغدا بووە. هەروەها لە دوێنێوە 65 تووشبوو بە تەواوی لە پەتاکە رزگاریان بووە و رەوانەی ماڵەکانیان کراونەتەوە.
کۆدی هەواڵنێر: 60113
بۆچوونی بەکارهێنەران