هاتنی گەشتیار بۆ پاوە قەدەغە کرا
بەشی کرماشان- قایمقامی شاری پاوە لە لێدوانێکدا ڕایگەیاند بەبۆنەی بڵاوبوونەوەی ڤایرۆسی کۆرۆنا هاتنی گەشتیاران بۆ شاری پاوە تا کاتێکی نادیار قەدەغە کراوە.
کوردپرێس:
پەرویز ئیدەپوور قایمقامی شاری پاوە لە لێدوانێکدا ڕایگەیاند بەبۆنەی بڵاوبوونەوەی ڤایرۆسی کۆرۆنا و بە مەبەستی پاراستنی تەندروستیی هاووڵاتییان هاتنی هەموو گەشتیاران تا کاتێکی نادیار قەدەغە کراوە.
قایمقامی پاوە زیادی کرد کەرەنتینە شارەکە بە مەبەستی پاراستنی تەندروستیی هاووڵاتییانە و لە هەردوو سەری کرماشان و سەوڵاوا و مەریوانیشەوە هاتن بۆ ناو شاری پاوە قەدەغەیە.
شایانی باسە پێشتریش شۆرای شاری هەورامان ڕایگەیاندبوو ئەمساڵ میوانداریی گەشتیاران ناکەن و هەموو میوانخانە و ئوتێلەکان داخراو دەبن ئەوەش بە هۆی بڵاوبوونەوەی ڤایرۆسی کۆرۆنا.
بۆچوونی بەکارهێنەران