مەسعوود بارزانی لەگەڵ نوێنەری تایبەتی سكرتێری گشتیی نەتەوە یەكگرتووەكان لە عێراق دیداری کرد
بەشی عێراق و هەرێمی کوردستان- لە دیدارێکی نێوان مەسعوود بارزانی و نوێنەری سکرتێری گشتیی نەتەوەیەکگرتووەکان لە عێراق دوا هەنگاوەکان بۆ پێکهێنانی حکوومەتی تازەی عێراق و هەڕەشەکانی بەردەم پڕۆسەی سیاسی تاوتوێ کرا.
کوردپرێس:
ڕۆژی یەكشەممە 23ـی 2ـی 2020 لە سەلاحەددین مەسعوود بارزانی پێشوازی لە هنیس جنین پلاسخارت نوێنەری تایبەتی سكرتێری گشتیی نەتەوە یەكگرتووەكان لە عێراق و شاندێكی یاوەری كرد.
لە دیدارەكەدا بارودۆخی سیاسیی عێراق و دوایین هەنگاوەكان بۆ پێكهێنانی حكوومەتی تازەی عێراق و هەڕەشە و تەحەددیاتی بەردەم پڕۆسەی سیاسیی عێراق تاوتوێ كرا و هەردوولا نیگەرانیی خۆیان لە قووڵتربوونی قەیرانی سیاسیی عێراق ڕاگەیاند.
هەر لەو كۆبوونەوەیەدا بیروڕا لەبارەی ئەگەر و چارەسەرەكان بۆ تێپەڕاندنی قەیرانی سیاسی و ڕاستەڕێكردنی پڕۆسەی سیاسیی عێراق ئاڵوگۆڕ كرا و جەختیش لە ڕۆڵی نەتەوە یەكگرتووەكان بۆ یارمەتیدانی پڕۆسەی سیاسیی عێراق كرایەوە.
زیاتر بخوێنەوە
هەواڵی پێشوو و داهاتوو
بۆچوونی بەکارهێنەران