ھەینیی داھاتوو ٥٣ بەرکەوتەی چەکی کیمیایی ڕەوانەی ئێران دەکرێن
بەپێی هەواڵی کوردپرێس، لوقمان عەبدولقادر، سەرۆکی کۆمەڵەی قوربانیانی کیمیابارانی ھەڵەبجە، بە ماڵپەڕی فەرمیی پارتی دیموکراتی کوردستانی ڕاگەیاند: "ڕۆژی ھەینیی داھاتوو ٥٣ بەرکەوتەی چەکی کیمیایی لە ھەرێمی کوردستانەوە ڕەوانەی کۆماری ئیسلامیی ئێران دەکرێن بە مەبەستی چارەسەرکردنیان، ھەموو تێچووی چارەسەرکردنەکەشیان حکوومەتی ھەرێمی کوردستان لە ئەستۆی خۆی دەگرێت و پارەیان بۆ خەرج کراوە".
سەرۆکی کۆمەڵەی قوربانیانی کیمیابارانی ھەڵەبجە گوتیشی: "بڕیار بوو پێشتر ئەو بەرکەوتانە ڕەوانەی دەرەوە بکرێت بۆ چارەسەرکردن، بەڵام بەھۆی ھەندێک ڕۆتینی کارگێڕییەوە دوا کەوتووە و ڕۆژی ھەینی بریندارەکان ڕەوانەی ئێران دەکرێن".
لوقمان عەبدولقادر گوتیشی: "ژمارەیێکی دیکەی بەرکەوتەی چەکی کیمیایی ماون، پێویستیان بە چارەسەرە لە دەرەوەی کوردستانە و پێشتریش ژمارەیێکی دیکە لەسەر ئەرکی حکوومەتی ھەرێم ڕەوانەی دەرەوە کراون، بۆ چارەسەرکردن".
کۆدی هەواڵنێر: 60113
بۆچوونی بەکارهێنەران