سێ سەرۆکایەتییەکەی عێراق جەخت لە یەکلاکردنەوەی دانانی سەرۆکوەزیران دەکەنەوە
کوردپرێس:
بەگوێرەی راگەیێنراوی سەرۆکایەتیی کۆمار، "بەشداربووانی كۆبوونەوەكە رێككەوتن لەسەر درێژەدان بە بنەمای پارێزگاریكردن لە بەرژەوەندیی عێراق و ئاسایشی سیاسی و دارایی لە چوارچێوەی هەڵوێستێکی نیشتیمانیی هاوسەنگدا لەكاتی قەیرانی ناوچەیی و نێودەوڵەتییدا تاوەکو عێراق لە ناكۆكییەكان بەدووربگیردرێت."
بەگوێرەی راگەیێنراوەکە، "ھەر لە كۆبوونەوەكەدا جەختکرایەوە لەسەر گرنگیی پەلەكردن لە پێكهێنانی حكومەتێكی نوێ و جێبەجێكردنی داواكارییەكانی چاكسازی لە زۆربەی ئاستەكانی سیاسی و ئابووری و خزمەتگوزارییدا بەجۆرێک پارێزگاری لە سەروەریی عێراق و ئاسایشی ھاووڵاتییانی بكات، لە ئاست هەڕەشەی تیرۆریستاندا بێت تاوەکوو سەركەوتنی یەکجاری بەدیدێت".
راگەیێنراوەکە ئاماژە بەوە دەکات، ئامادەبووانی كۆبوونەوەكە جەختیان کردەوە لەسەر پێویستیی پارێزگاری لە سەروەریی نیشتیمانی و رێگریكردن لە دەستوەردانی دەرەكی و چارەسەركردنیان بەبێ ڕوودانی هەر لێكەوتەیێک.
بۆچوونی بەکارهێنەران