عەبدولمەهدی و شاندی یاوەری سەردانی بەندەری شانگهای-یان کرد
بەشی عێراق و هەرێمی کوردستان- سەرۆک وەزیرانی عێراق و شاندی یاوەری پاش دیدار لەگەڵ بەرپرسانی چینی سەدرانی بەندەری شانگهای-یان لەو وڵاتە کرد.
بەپێی هەواڵی کوردپرێس، عادل عەبدولمەهدی سەرۆک وەزیرانی عێراق کە لە حەفتەی ڕابردووەوە بە یاوەریی شاندێک لە پارێزگارانی عێراق گەشتەکەی بۆ چین دەستپێکردووە، چەند دیدارێکی لەگەڵ بەرپرسان و بازرگانەکانی ئەو وڵاتە ئەنجام دا.
هەڤاڵ ئەبووبەکر پارێزگاری سلێمانی کە لەگەڵ شاندی عێراقی سەردانی چینی کردووە لە لاپەڕەی تایبەتی خۆیدا لە فەیسبووک ڕایگەیاند: شاندەکە دیدارێکی لەگەڵ پارێزگاری شانگهای ئەنجام داوە.
ناوبراو زیادی کرد کە دیدار لەگەڵ دیکەی بەرپرسانی حکوومی و ڕێکخراوە بازرگانی و پیشەسازییەکان لە ڕیزی بەرنامەی سەردانەکەدا بووە.
هەڤاڵ ئەبووبەکر ڕاشیگەیاند کە عادل عەبدولمەهدی و شاندی هاوڕای سەردانی بەندەری گەورەی شانگهای-یان کردووە و هەروەها وێستگەکانی بەرهەمهێنانی وزەیان لەو بەندەرە بەسەر کردۆتەوە.
کۆدی هەواڵنێر: 60113
بۆچوونی بەکارهێنەران