ھاوسەفەرێکی مەزهەر خالقی: پێشوازییێکی گەورەی فەرمی و میللیی بێوێنە لە خالقی کرا
کوردپرێس:
خەلیل عەبدوڵا، بەڕێوەبەری گشتیی دیوانی وەزارەتی ڕۆشنبیری، لە پۆستێكدا لە تۆڕی كۆمەڵایەتی فەیسبوك، باس لەگەشتەکە دەکات لەگەڵ هونەرمەند مەزهەری خالقی و نووسیویەتی،" بەشانازییێکی زۆرەوە ھاوگەشتی ھونەرمەندی گەورەی کوردستان مامۆستا مەزھەری خالقی بوم بۆ شاری سنەی مەڵبەندی ھونەر و رۆشنبیری، بۆ بەشداری­کردن لە کۆنگرەی ناودارانی کورد کە زانکۆی کوردستان لە رۆژانی 2-3ی تەموز سازی کردبوو.
خەلیل عەبدوڵا دەشڵێت، " ھەر لەسەر سنوورەوە تا سنە و مانەوەی چوار رۆژی لەوێ، پێشوازییێکی گەورەی فەرمی و میللیی بێوێنە لە خالقی کرا".
لە تاران و ھەموو شارەکانی کوردستانەوە بەسەدان کوڕ و کچی گەنج و ژنان و پیاوانی تەمەنە جیاوازەکان و روناکبیران و ھونەرمەندان و چین و توێژەکانی دیکە، بە چەپکە گوڵی خۆشەویستییەوە ھاتنە دیداری و فرمێسکی خۆشیان بەسەردا ڕشت و گوڵبارانیان کرد.
بەڕێوەبەری گشتیی دیوانی وەزارەتی ڕۆشنبیری ڕونیدەکاتەوە، "ئەوەی جێگەی تێرامان بو لە تاران و ھەمو شارەکانی کوردستانەوە بەسەدان کوڕ و کچی گەنج و ژنان و پیاوانی تەمەنە جیاوازەکان و روناکبیران و ھونەرمەندان و چین و توێژەکانی دیکە، بە چەپکە گوڵی خۆشەویستییەوە ھاتنە دیداری و فرمێسکی خۆشیان بەسەردا ڕشت و گوڵبارانیان کرد، وێنەی یادگارییان لەگەڵدا گرت، دیمەنەکان ھێندە حەماسی و ناخ ھەژێن بوون، کە بۆ من وەسف ناکرێن".
شەپۆلی ئەو ھەمو ڕێز و موحیبەت و پێشوازییە میللییە، تابلۆیێکی جوانی مێژویی و کوردەواریی پڕمانایە، دەنگە ناڕازییەکانی نێو تۆڕی فەیسبوک دەشارێتەوە و گەورەیی و خۆشەویستیی خالقی لە ناو دڵی کوردستانیاندا زیاتر ئەدرەوشێنێتەوە". هاوگەشتەکەی خالقی وادەڵێت.
بۆچوونی بەکارهێنەران