نەتەوە یەکگرتووەکان:
بەهۆى چاندنى مینەوە ئاوارەکانى عێراق ناوێرن بگەڕێنەوە بۆ ناوچەکانیان
بەشی عێراق و هەرێمی کوردستان- نەتەوە یەکگرتووەکان ڕایگەیاند ئاوارەکانی عێراق بەھۆی چاندنی مین لە لایەن رێکخراوی داعشەوە، ناتوانن بگەڕێنەوە ئەو ناوچانەی کە ئازاد کراون.
کوردپرێس: پێھر لۆدھاممەر ڕێکخەرى نووسینگەی خزمەتگوزاری کاروباری مینىی سەر بە نەتەوە یەکگرتووەکان لە عێراق لە ڕاگەیەنراوێکدا ئاماژەى بەوەکردووە، تائێستا ٧٠%ى مین و بۆمبە نەتەقیوەکان لە ژێر داروپەردووەکاندا ماون.
ناوبراو وتیشی ئامانجیان ئەوەیە ئاوارەکان بە شێوەیێکی سەلامەت و لەسەر ویستی خۆیان بگەڕێنەوە سەر ماڵ و حاڵی خۆیان، بەڵام دانانى ئەو بۆمب و مینانە ڕێگرە لە بەدیهێنانى ئەو ئامانجە.
ئەوەش لەکاتێکدایە پێشتر لە شەڕى داعشدا چەکدارانى ئەو ڕێکخراوە بەر لە چۆڵکردن یان شکستهێنانیان لە هەر ناوچەیێک، چەندین بۆمبی چێنراویان دادەنا بۆ هێزەکانى پێشمەرگە و هێزە عێراقییەکان و تائێستاش بەشێک لەو ناوچانە لە بۆمبە چێنراوەکانى داعش پاک نەکراونەتەوە.
کۆدی هەواڵنێر: 60113
بۆچوونی بەکارهێنەران