شه‌ڕی نێوان PKK و سوپای تورکیا ژیانی هاووڵاتیی ناوچه سنوورییه‌كانی هه‌رێم به‌ره‌وڕووی مه‌ترسی ده‌کاته‌وه
کوردپرێس:
مه‌لا كه‌ریم برادۆستی لێپرسراوی كۆمیته‌ی برادۆستی یه‌كێتی به SNNی ڕاگه‌یاند: هێزه‌كانی سوپای توركیا دابه‌زیونه‌ته سنووری گونده‌كانی خه‌لیفان و هه‌رشێڵان كه هاووڵاتییان سه‌رقاڵی كاری كشتوكاڵ و ئاژه‌ڵدارین و له بۆردومانه‌كانی چه‌ند ڕۆژی ڕابردووشدا زیانێكی زۆریان پێگه‌یشتووه.
ناوبراو وتیشی: "هێزه‌كانی سوپای توركیا جیاواز له ماوه‌كانی ڕابردوو له‌و گوندانه نزیک بوونه‌ته‌وه و ده‌ستیان به چالاكی كردووه، ئه‌وه‌ش مه‌ترسیی زیاتری له لای گوندنشینه‌كان دروست كردووه".
ئه‌و به‌رپرسه‌ی یه‌كێتی ئاماژه‌ی به‌وه‌ش دا كه هێزێكی زۆری توركیا له چه‌ند ڕۆژی ڕابردوودا هێندراونه‌ته سنووری سیده‌كان و چه‌كی قورس و مامناوه‌ندیان پێیه و به به‌رده‌وامی ناوچه سنوورییه‌كان و بنكه و باره‌گای گه‌ریلاكانی په‌كه‌كه بۆردومان ده‌كه‌ن و شه‌ڕ و پێكدادان له نێوانیاندا هه‌یه.
کۆدی هه‌واڵنێر: 60103
بۆچوونی بەکارهێنەران