بەهۆی تۆپبارانی تورکیاوە لە سیدەکان 20 سەر ئاژەڵ بوونە قوربانی
بەشی عێراق و هەرێمی کوردستان- بەهۆی تۆپبارانی سوپای توركیاوە، دەیان سەر مەڕ و بزنی هاووڵاتییەکانی شاردەێی سیدەكان لەناو چوون.
کوردپرێس: قایمقامی سۆران بە باسنیووزی رایگەیاند: "بەیانیی ئەمڕۆ شەممە 1/6/2019 تۆپخانەكانی سوپای توركیا، بەهۆی بوونی پارتی كرێكارانی كوردستان لە شوێنەكەدا ناوچە سنوورییەكانی گوند و ئاواییەكانی شارۆچكەی سیدەكانیان لە دەڤەری سۆران بۆردوومان كرد و لە ئەنجامدا زیاتر لە 20 سەر مەڕ و بزنی دانیشتووانی گوندی خەلیفان، سەر بە شارۆچكەی سیدەكان بوونە قوربانی".
قائیمقامی سۆران، گووتیشی، پێویستە (پەكەكە) لە گوندو ئاوایەكان دوور بكەوێتەوە و چیتر خەڵكی سڤیلی ئەم ناوچانە نەبنە قوربانی رەوشی سەربازی، پارتی كرێكارانی كوردستانی توركیا و بۆردومانەكانی سوپایی توركیا.
کۆدی هەواڵنێر: 60113
زیاتر بخوێنەوە
هەواڵی پێشوو و داهاتوو
بۆچوونی بەکارهێنەران