ئەندامانی لیژنەی نێوبژیڤانی یەکەمین فستیڤاڵی میدیا کوردییەکان دیاری کران
بەشی فەرهەنگ و هونەر- بڕیاردەری یەکەم فستیڤاڵی میدیا کوردییەکان ڕایگەیاند ئەندامانی لیژنەی نێوبژیڤانی فستیڤاڵەکە دیاری کراون و فستیڤاڵەکەش حەفتەی یەکەمی مانگی گوڵان بەڕێوە دەچێت.
بەپێی هەواڵی کوردپرێس شیروان یاری بڕیاردەری یەکەمین مێهرەجانی میدیا کوردییەکان بە هەواڵنێرانی ڕاگەیاند: هەر یەکە لە بەڕێزان مەنسوور ساعی و شەفێع بەهرامیان و ئیبراهیم محەمەدحسێنی وەکوو ئەندامانی لێژنەی نێوبژیڤانی بەشی کوردیی فستیڤاڵەکە و هەر یەکە لە فەرەیدوون سدیقی و مەحموود موختاریان و عەلیڕەزا کتابدار وەکوو ئەندامانی لیژنەی نێوبژیڤانیی بەشی فارسی دیاری کراون.
شیروان یاری زیادیشی کرد: کۆی 899 بەرهەم بۆ هەردوو بەشی فستیڤاڵەکە ڕەوانە کراوە و 844 بەرهەمیان مەرجی پێویستیان بۆ ڕکابەری لەبەرچاو گرتبوو و لەو مێهرەجانەدا وەرگیراون.
بڕیاردەری یەکەمین فستیڤاڵی میدیا کوردییەکان ئەوەشی ئاشکرا کرد لە دەیەی یەکەمی مانگی گوڵاندا فستیڤاڵەکە لە شاری سنەی پارێزگای کوردستان بەڕێوە دەچێت.
بۆچوونی بەکارهێنەران