قه‌باره‌ی هه‌نارده‌ی کاڵای ئێران بۆ عێراق ئاشکرا ده‌کرێت

به‌پێی هه‌واڵی کوردپرێس، سه‌یید حه‌مید حوسێنی ده‌ڵێت: مانگانه‌ قه‌باره‌ی هه‌نارده‌كردنی كاڵای ئێرانی ده‌گاته‌ سه‌رووی‌‌ 750 ملیۆن دۆلار به‌ شێوه‌یێک جاربه‌جار ئه‌و ڕێژه‌یه‌ ده‌گاته‌ 900 ملیۆن و هه‌ندێ جاریش داده‌به‌زێت بۆ 510 ملیۆن دۆلار.

ئه‌مینداری گشتیی ژووری هاوبه‌شی بازرگانیی ئێران- عێراق ئاماژه‌ی به‌وه‌ش دا: له‌ ساڵی 2017دا قه‌باره‌ی هه‌نارده‌ی كاڵای توركی بۆ عێراق گه‌یشتبوووه‌ 8 ملیار و 300 ملیۆن دۆلار به‌ڵام له‌ ساڵی ڕابردوودا ئه‌و ڕێژه‌یه‌ بۆ 7 ملیار و 350 ملیۆن دۆلار دابه‌زی له ‌كاتێكدا قه‌باره‌ی هه‌نارده‌ی ئێران بۆ عێراق 8 ملیار و 750 ملیۆن دۆلار به‌رزبوونه‌وه‌ی به‌خۆیه‌وه‌ بینی به‌مه‌ش له‌ قه‌باره‌ی هه‌نارده‌كردنی بۆ عێراق به‌ پێش توركیا كه‌وت.

سه‌رچاوه‌: ئاژانسی فارس

کۆدی هه‌واڵنێر: 60103