112 پڕۆژە لە دیواندەرە دەکرێتەوە
بەشی کوردستان- بە بۆنەی چلەمین ساڵوەگەڕی سەرکەوتنی شۆڕشی گەلانی ئێران لە ماوەی دە ڕۆژی ناسراو بە "دەیەی فەجر"دا لە دیواندەرە 112 پڕۆژەی جۆراوجۆر دەکرێتەوە.
کوردپرێس:
جەعفەر تەوان قایمقامی شاری دیواندەرە لە پرێس کونفڕانسێکدا هەواڵی کردنەوەی 112 پڕۆژەی کەرتی تەندروستی و ئاوەدانکاری لە دیواندەرە ڕاگەیاند و گوتیشی بڕی 223 ملیار و 794 ملوێن ڕیاڵ بۆ کردنەوەی ئەو 112 پڕۆژەیە بودجە تەرخان کراوە و هەر لە بۆنە پیرۆزەشدا 70 بەرنامەی فەرهەنگی و وەرزشی و پێشانگای کتێب و بەزم و شادی بەڕێوە دەچێت.
تەوان ئەوەشی زیاد کرد لە سێ بەشی ناوەندی و کەرەفتوو و ساراڵ گەلێک پڕۆژەی جۆراوجۆر لەلایەن دێیارییەکانەوە دەکرێتەوە.
کۆدی هەواڵنێر: 60101
بۆچوونی بەکارهێنەران