خۆپیشاندان لە بەسرە دەست پێدەکاتەوە/داوا دەکەن خۆپیشاندەرە کوژراوەکان مووچەیان بۆ ببڕدرێتەوە
بەشی عێراق و هەرێمی کوردستان- جارێکی دیکە خۆپیشاندان لە پارێزگای بەسرە دەستپێدەکاتەوە و خۆپیشاندەرانیش داوا دەکەن خۆپیشاندەرە کوژراوەکان مووچەیان بۆ ببڕدرێتەوە.
کوردپرێس:
دوانیوەڕۆی ڕۆژی یەکشەممە 6-1-2019، دەیان کەس لە فلکەی بەحری لە نزیک باڵەخانەی حکوومەتی خۆجێی لە ناوەڕاستی بەسرە خۆپیشاندان و گردبوونەوەیان ئەنجام دا.
خۆپیشاندەران داوایان کرد ناوی خۆپیشاندەرە کوژراوەکان لە دەزگای شەهید تۆمار بکرێت و مووچە و خانووی نیشتەجێبوون بۆ کەسوکاریان دابین بکرێت و لێپرسینەوەش لەگەڵ بەرپرسانی کەمتەرخەم بکرێت.
هەروەها خۆپیشاندەران داوایان کرد، ژمارەی کارمەندە بیانییەکان لە کێڵگەکانی نەوت لە خوارووی عێراق کەم بکرێنەوە و کەسانی بێکار بخرێنە سەرکار و کارگەی شیکردنەوەی ئاو دابمەزرێت.
*لە ڕووداو وەرگیراوە
زیاتر بخوێنەوە
هەواڵی پێشوو و داهاتوو
بۆچوونی بەکارهێنەران