کابینەی حکوومەتی نوێی عێراق تەواو دەکرێت
بەشی عێراق و هەرێمی کوردستان- بڕیارە رۆژی دووشەممە 26ی تشرینی دووهەمی 2018 له په‌رله‌مانی عێراق ده‌نگ له‌سه‌ر کابینەکەی عادل عەبدولمەهدی بدرێت و سەرۆکی فراکسیۆنی "عەتا" دەڵێت فاڵح فەیار کاندیدی عەبدولمەهدی دەبێت بۆ پۆستی وەزارەتی ناوخۆ.
کوردپرێس:
بەختیار شاوەیس، ئەندامی ئەنجومەنی نوێنەرانی عێراق لەو بارەیەوە بە خەندان-ی راگەیاند، رۆژی دووشەممە یان سێشەممە کۆبوونەوەی پەرلەمانی عێراق ئەنجام دەدرێت و دەنگ لەسەر تەواوی وەزیرەکانی کابینەکەی عادل عەبدولمەهدی دەدرێت.
ناوبراو وتیشی، هۆکاری یەکلانەکردنەوەی وەزارەتەکان تا ئێستا بۆ رێکنەکەوتنی سوننە و شیعە دەگەڕێتەوە لەسەر وەزارەتەکانی بەرگری و ناوخۆ و یەکێتییش وەزارەتی دادی بۆ یەکلایی بووەتەوە لەو هەشت وەزارەتەی کە ماوەتەوە.
هەر لەو بارەیەوە مەنسوور مەرعید سەرۆکی فراکسیۆنی جووڵانەوەی "عەتا" وتوویەتی دووشەمە کابینەکە یەکلایی دەکرێتەوە و فاڵح فەیاز وەکوو کاندیدی وەزارەتی ناوخۆ دەناسێنرێت.
کۆدی هەواڵنێر: 60101
زیاتر بخوێنەوە
هەواڵی پێشوو و داهاتوو
بۆچوونی بەکارهێنەران