وه‌زاره‌تی ده‌ره‌وه‌ی ئێران پیرۆزبایی له به‌رهه‌م ساڵح ده‌کات
به‌پێی هه‌واڵی کوردپرێس، به‌ھرام قاسمی وته‌بێژی وه‌زاره‌تی ده‌ره‌وه‌ی ئێران پێشوازی له ھه‌ڵبژاردنی به‌رھه‌م ساڵح کردووه به سه‌رۆک کۆماری عێراق و پیرۆزبایی لێکردوووه.
به‌هرام قاسمی ڕای‌گه‌یاندوووه: "ھیوادارین په‌یوه‌ندییه مێژوویی و برایه‌تییه‌که‌ی نێوان ئێران و عێراق له قۆناغی نوێدا زیاتر گه‌شه‌کردن به‌خۆوه ببینێت".
وته‌بێژی وه‌زاره‌تی ده‌ره‌وه‌ی ئێران هیواى خواستوووه هه‌ڵبژاردنى به‌رهه‌م ساڵح ببێته‌ھۆی گه‌شه‌کردنی ئابووری و په‌ره‌پێدانی ھاوڕێتیی نێوان ھه‌ر دوو گه‌ل و ھاوکارییه‌کانی نێوان ھه‌ر دوو وڵات له‌سه‌ر ھه‌ر دوو ئاستی ھه‌رێمی و نێوده‌وڵه‌تی گه‌شه بکات.
شایانی باسه؛ شه‌وی سێشه‌ممه (٢ ی تشرینی یه‌که‌می ٢٠١٨) به ٢١٩ ده‌نگ و له خولی دووه‌می ده‌نگداندا په‌رله‌مانی عێراق به‌رھه‌م ساڵحی به سه‌رۆک کۆماری عێراق ھه‌ڵبژارد.
سه‌رچاوه: ئاژانسی ته‌سنیم
کۆدی هه‌واڵنێر: 60103
بۆچوونی بەکارهێنەران