لیژنه‌ی ئاسایشی نه‌ته‌وه‌ییی ئێران له‌سه‌ر سووتاندنی كونسووڵخانه‌ی ئه‌و وڵاته له به‌سره كۆ ده‌بێـته‌وه
به‌پێی هه‌واڵی کوردپرێس، عه‌لی نه‌جه‌فی وته‌بێژی لیژنه‌ی ئاسایشی نه‌ته‌وه‌یی و سیاسه‌تی ده‌ره‌وه‌ی په‌رله‌مانی ئێران ڕای‌گه‌یاند: سووتاندنی كونسووڵخانه‌ی ئێران له شاری به‌سره له‌لایه‌ن خۆپیشانده‌رانه‌وه كه زیانێكی زۆری پێگه‌یشتوووه دژی هه‌موو پێوه‌ره نێوده‌وڵه‌تییه‌كانه.
نه‌جه‌فی ئه‌وه‌شی ڕوون كردۆته‌وه هه‌ر به‌پێی ئه‌و پێوه‌رانه حكوومه‌تی عێراق به‌رپرسه له پاراستنی شوێنه دیپلۆماسییه نێوده‌وڵه‌تییه‌كان، هاوكات ئه‌وه‌شی به پێویست زانیوه كه حكوومه‌تی عێراق له نزیكترین كاتدا ئه‌و كه‌سانه دیاری بكات كه ئه‌و كاره‌یان ئه‌نجام داوه و ئه‌وانه‌شی كه فه‌رمانی ئه‌و كاره‌یان كردوووه ده‌ستگیر بكات.
ناوبراو جه‌ختیشی له‌وه كردۆته‌وه یه‌كه‌م كۆبوونه‌وه‌ی لیژنه‌ی ئاسایشی نه‌ته‌وه‌یی و سیاسه‌تی ده‌ره‌وه‌ی په‌رله‌مانی ئێران تایبه‌ت به ده‌رئه‌نجامه‌كانی ئه‌و كاره‌یه.
سه‌رچاوه: ئاژانسی ته‌سنیم
کۆدی هه‌واڵنێر: 60103
بۆچوونی بەکارهێنەران