هاوسەرەکەی مامۆستا هەژار کۆچی دوایی کرد
بەشی فەرهەنگ و هونەر- هاوسەری عەبدولڕەحمان شەرەفکەندی ناسراو بە هەژار موکریانی شاعیر، نووسەر و وەرگێڕی ناوداری کورد کۆچی دوایی کرد.
بەپێی هەواڵی کوردپرێس، شەوی ڕابردوو مەعسوومە ئەحمەدی ناسراو بە گەلاوێژ بەهۆی نەخۆشییەوە و لە تەمەنی ٨٩ ساڵیدا، لە یەکێک لە نەخۆشخانەکانی شاری هەولێر کۆچی دوایی کردووە.
مەعسوومە ئەحمەدی ساڵی ١٩٢٩ لە گوندی نۆباری سەر بە شاری بۆکان لەدایکبووە و دوای هەڵاتن و ئاوارەبوونی هەژار موکریانی پاش کۆماری کوردستان، بەخێوکردنی شێرکۆی کوڕە گەورەی دەکەوێتە ئەستۆی و دواتر کوردستانی ئێرانی جێهێشتووە و ڕووی کردووەتە هەرێمی کوردستان.
بەرهەمی ژیانی هاوبەشی هەژار و خاتوو مەعسوومە چوار کوڕە بەناوەکانی شێرکۆ، خانی، مستەفا و زاگرۆس.
کۆدی هەواڵنێر: 60113
بۆچوونی بەکارهێنەران