ئەمریکییەکان دژی ئەوەن هێزەکانی ئەو وڵاتە لە ناوچەی ژێردەسەڵاتی کوردی سووریا بکشێنەوە
کوردپرێس:
پاش کشانەوەی ئەمریکا لە ئەفغانستان کە بە فەرمانی جۆبایدەنی سەرۆکی ئەو وڵاتە ڕووی دا، ئەگەر کشانەوەی هێزە ئەمریکییەکان لە ناوچەی ژێردەسەڵاتی کوردی سووریاش لە ئارادایە و ئەوەش لە میانەی هەڕەشەکانی تورکیا دژی کوردی سووریا سووریا بۆیە ئەم بابەتە کوردی نیگەران کردووە.
بەڵام گۆڤاری نەشناڵ ئینتەرسەتی ئەمریکی ئاماژەی بە لێدوانی ئەم دوایییەی چەند بەرپرسێکی ئەمریکی نووسیی: ئەگەری کشانەوەی هێزە ئەمریکییەکان لە ناوچەی ژێردەسەڵاتی کوردی سووریا لە داهاتوودا کەمە و بەرپرسانی ئەمریکا دڵنیاییان بە کورد داوە کە لەو ناوچانە ناکشێنەوە.
لە هەمان کاتدا گۆڤارەکە ئاماژەی بەو ڕاپرسییە کردووە کە ئەنجام دراوە و ڕای ئەمریکییەکانی لەبارەی کشانەوەی هێزی ئەمریکی لە خۆرهەڵاتی ناوەڕاست پڕسیوە و لەو بارەیەوە نووسیویەتی: زۆربەی هاووڵاتییانی ئەمریکا پێچەوانەی ئەو پشتگیرییەی بۆ کشانەوە لە ئەفغانستان کردیان، دژی ئەوەن کە هێزە ئەمریکییەکان لە ناوچەی ژێردەسەڵاتی کوردی سووریا بکشێنەوە.
بۆچوونی بەکارهێنەران