نوێنەری ئەنجومەنی سووریای دیموکرات: پێویستە کشانەوەی ئەمریکا بە هەماهەنگیی کورد و بە چەند قۆناغ بکرێت
بەشی جیهان- ئاژانسی هەواڵی سپۆتنیکی ڕووسی لە زاری نوێنەری ئیدارەی خۆسەری کوردی لە ئەمریکا نووسیی: کشانەوەی ئەمریکا لە سووریا ئەگەر بکرێت پێویستە لە پێشدا کورد ئاگادار بکرێتەوە و ئەو کشانەوەی قۆناغ بە قۆناغ و لە چەند قۆناغی جیاجیادا بکرێت.
کوردپرێس:
ئاژانسی هەواڵی سپۆتنیکی لە زاری بسام شاکرەوە کە نوێنەرێکی ئەنجومەنی سووریای دیموکراتە و ئەنجومەنەکەش باڵی سیاسیی هێزەکانی سووریای دیموکراتە کە کورد سەرۆکایەتیی دەکات لە واشەنتۆنەوە دەڵێت ئەمریکا دەبێت تا کۆتایی ئەرکی شەڕی دژبە داعش لە ناوچەی ژێردەسەڵاتی کوردەکانی سووریا بمێنێتەوە.
بسام شاکر دەشڵێت: ئەمریکا پێویستە پێش کشانەوە لە سووریا کوردەکان ئاگادار بکاتەوە و کشانەوەکەش لە چەند قۆناغدا بکرێت.
ناوبراو جەختی کردەوە کە ئەمریکا ڕۆژێک لە ڕۆژان هەر سووریا چۆڵ دەکات بەڵام پێویستە ئەوان ئەرکی شەڕی دژبەداعش تەواو بکەن.
بۆچوونی بەکارهێنەران