نەشناڵ ئینتەرسەت:چارەکردنی ناکۆکییەکان لە سەر سیستەمی مووشەکیی ئێس 400 مایەی بووژاندنەوەی هاوپەیمانیی نێوان ئەمریکا و تورکیا دەبێت
کوردپرێس:
گۆڤاری نەشناڵ ئینتەرسەتی ئەمریکی لە ڕاپۆرتێکدا سەبارەت بە ناکۆکییەکانی نێوان تورکیا و ئەمریکا دەنووسێت گرینگترین کێشەی نێوانیان ئەوەیە ئەمریکا دژایەتیی ئەوەی کردووە کە تورکیا سیستەمی مووشەکیی ئێس 400ی ڕووسی بکڕێت. یەک لە خاڵە ناکۆکەکانی دیکەی نێوان تورکیا و ئەمریکا مەسەلەی کوردەکانی سووریایە.
نەشناڵ ئینتەرسەت لەبارەی ئاستی دژایەتی کردنی ئەمریکا لەبارەی کڕینی سیستەمی بەرگریی ئێس 400 دەنووسێت: ئەو بابەتە بۆتە هۆی ئەوەی واشەنتن، تورکیا لە بەرنامەی دروست کردنی فڕۆکەی پێشکەوتووی ئێف 35 دەربکات و ئەو فڕۆکەیەش بە تورکیا نەفرۆشێت ئەوەش لە کاتێکدایە کە لە حاڵەتی دیکەدا کاردانەوەی ئەوتۆ توندی نەبووە.
ئەو گۆڤارە دەشنووسێت ناکۆکیی دیکەش لە نێوان تورکیا و ئەمریکا لە سەر پرسی دیکە زۆر گرینگ نیە و ئەگەر ناکۆکییەکان لە سەر کڕینی سیستەمی بەرگریی ئێس 400ی ڕووسی چارەسەر بکرێن هاوپەیمانێتیی نێوان دوو وڵاتەکە دەبووژێتەوە.
بۆچوونی بەکارهێنەران