هێرشێکی داعش لە گوڵاڵە پێنج قوربانیی لێکەوتەوە
بەشی عێراق و هەرێمی کوردستان- لە سنووری ناحیەی گوڵاڵە داعش دەستڕێژی گوللەی لە خەڵکی سڤیل کرد و پێنج کەس کوژران و بریندار بوون.
کوردپرێس: نیهاد محەمەد، گوتەبێژی بەڕێوەبەرایەتی پۆلیسی دیالە، بە باسنیووز-ی راگەیاندووە: شەوی چوارشەممە تیرۆریستانی داعش لە نزیک بازگەی حەلوان لە دەروازەی ناحیەی گوڵاڵە دەستڕێژی گوللەیان لە ژمارەیێک هاووڵاتیی سڤیل کردووە و بەو هۆیەوە سێ هاووڵاتی کوژراون و دووی دیکەش بریندار بوونە.
گوتەبێژی بەڕێوەبەرایەتی پۆلیسی دیالە گوتیشی: "بریندارەکان ڕەوانەی نەخۆشخانەی گشتیی خانەقین کراون بۆ چارەسەر و پۆلیس ناوچەکەی گەمارۆ داوە و تیرۆریستەکانیش هەڵاتوون".
کۆدی هەواڵنێر: 60113
زیاتر بخوێنەوە
هەواڵی پێشوو و داهاتوو
بۆچوونی بەکارهێنەران