دەستەی تەندروستیی کوردستانی سووریا: ئاماری تووشبوون بە کۆرۆنا گەیشتە 2 هەزار و 314 حاڵەت
بەشی سووریا- دەستەی تەندروستیی کوردستانی سووریا تۆمارکردنی 110 تووشبووی دیکەی بە ڤایرۆسی کۆرۆنای راگەیاند و بەوەش کۆی حاڵەتەکانی تووشبوون لە کوردستانی سووریا گەیشتە 2 هەزار و 314 حاڵەت.
کوردپرێس:
ڕۆژی یەکشەمە 11ی تشرینی یەکەمی 2020 دکتۆر جوان مستەفا هاوسەرۆکی دەستەی تەندروستیی ئیدارەی خۆبەڕێوەبەریی باکور و رۆژهەڵاتی سووریا ڕایگەیاند: لە ماوەی 24 کاتژمێری ڕابردوودا 110 حاڵەتی نوێی تووشبوون بە کۆرۆنا تۆمار کراوە و بەوەش کۆی ئامارەکە گەیشتە 2 هەزار و 314 حاڵەت.
هەر بە گوێرەی ڕاگەیێندراوەکەی دەستەی تەندروستیی کوردستانی سووریا تووشبووەکان 56 نێر و 54 مێن.
ڕاگەیێندراوەکە ئەوەشی زیاد کردووە: لەماوەی 24 سەعاتی رابردودا 17 حاڵەتی چاکبوونەوە و سێ حاڵەتی گیانلەدەستدان بە کۆرۆنا تۆمار کراوە.
ئاماری گشتیی کۆرۆنا لە کوردستانی سورویا:
تووشبووان: 2314
چاکبوونەوە: 555
گیانلەدەستدان: 77
زیاتر بخوێنەوە
هەواڵی پێشوو و داهاتوو
بۆچوونی بەکارهێنەران