نوێنەری سەقز و بانە لە پەرلەمان:
خەڵک وەڕەزن لە دۆخی ئابووریی وڵات
بەشی کوردستان- نوێنەری خەڵکی سەقز و بانە لە پەرلەمانی ئێران دەڵێت: لە بارودۆخی ئابووریی ئێستادا خەڵک زۆر تووڕە و وەڕەزن، چوونکە زۆرینەیان بۆ دابین کردنی بژیوی ژیان لە گوشاردان.
بەپێی هەواڵی کوردپرێس، موحسێن بیگلەری نوێنەری خەڵکی سەقز و بانە ئاماژەی دا بە جیاوازیی پێگەی ئابووریی خەڵک لە چینە جیاوازەکاندا و وتی: ژمارەیێک کەس داهاتی ملیاردییان هەیە و هەندێک کەسیش بە بڕوانامەی زانستییەوە ئامادەن بۆ داهاتێکی کەمی یەک ملیۆنی یا 500 هەزار تمەنی کار بکەن.
ناوبراو زیادی کرد زۆرینەی خەڵک بۆ دابین کردنی بژیوی ژیانیان تووشی کێشە و گرفتن و ئەگەر ببینن هەندێک کەس بە ئۆتۆمبێلی ملیاردییەوە لەپێش چاویان دەخولنەوە زۆر نیگەران و تووڕەیان دەکات.
کۆدی هەواڵنێر: 60113
بۆچوونی بەکارهێنەران