مه‌سروور بارزانی: ئاشتی و ئاسایشی هەرێم کاری لەپێشینەمانە رێگه‌ناده‌ین هیچ كه‌سێك تێكی بدات
کوردپرێس:
سه‌رۆكی حكومه‌تی هه‌رێمی كوردستان ڕایگەیاند، "ئاشتی و ئاسایشی هه‌رێمی كوردستان، هه‌میشه كاری له پێشینه‌مانه و رێگه‌ناده‌ین هیچ كه‌سێك تێكی بدات".
مەسرور بارزانی لەتویتێكدا كەلەهەژماری خۆی بڵاویكردووەتەوە نوسویەتی، "ستایشی هه‌وڵ و ماندوبوونی هێزه‌كانمان ده‌كه‌م بۆ ڕێگه‌گرتن له‌و تۆڕه‌ی، ویستییان كرده‌وه‌ی توندوتیژی له هه‌رێمی كوردستان ئه‌نجامبده‌ن".
بارزانی ئاماژەی بەوەش كردووە، "ئاشتی و ئاسایشی هه‌رێمی كوردستان، هه‌میشه ئه‌ركی له پێشینه‌مانه و رێگه‌ناده‌ین هیچ كه‌سێك تێكیبدات".
ئەو تویتەی سەرۆكی حكوومەتی هەرێم دوای ئەوەدێت، ئەمڕۆ ئەنجومەنی ئاسایشی هەرێمی کوردستان لەراگەیەندراوێكدا ڕایگەیاندبوو، لە ڕۆژانی ڕابردوودا چەند هێرشێکییان پوچەڵکردووەتەوە کە کونسوڵگەری و دیپلۆماتکارانیان لە هەرێمی کوردستان کردبووە ئامانج و چەند کەسێکیش بەوهۆیەوە دەستگیرکراون.
هەروەها باس لەوەش كرابوو،ژمارەیێک هێرشی تێکدەرانەی لە هەرێمی کوردستان پووچەڵکردووەتەوە، کە بەشێکیان لەلایەن پارتی کرێکارانی کوردستان (پەکەکە) پیلانیان بۆ داڕێژراوە و، ویستوویانە کاری تێکدەرانە بکەن و چەند بەرپرسێکی هەرێمی کوردستان بەئامانج بکەن".
له راگه‌یه‌ندراوه‌كه‌دا هاتبوو: "هەندێک لە پیلانداڕێژەرانی ئەم هەوڵانە، پەیوەندییان لەگەڵ خەڵکی دەرەوەی عێراق و دانیشتووی وڵاتانی ئەوروپا هەیە و لەلایەن ئەوانەوە ئاراستەکراون. ئەو کەس و لایەنانەی بڕیار بوو بکرێنە ئامانجی ئەم هێرشە تیرۆریستییانە، ئاگادارکراونەتەوە و رێکاری پێویستیش، لەپێناو پاراستنی دیپلۆماتکاران و خاوەنکارانی بیانی لە هەرێمی کوردستان گیراوەتەبەر".
بۆچوونی بەکارهێنەران