شەڕ و پێکدادان لەنێوان پەکەکە و پارتی دیموکراتی کوردستانی عێراق ڕوویدا
کوردپرێس: ئاژانسی میللەت بڵاوی کردەوە لەو شەڕەدا چەکی ئاڕ بی جی بەکارهاتووە و شەڕەکە کاتێک روویداوە هێزێکی پێشمەرگەی پارتی چوونەتە سنوورەکە و سەرقاڵی دانانی رەبیەبوون و پێکدادان روویداوە.
لەلایەکی دیکەوە بەگوێرەی زانیارییەکان شەڕ لەنێوان هێزێکی پارتی و پەکەکە لەناوچەی دینارتەی سەربەقەزای ئاکرێ روویداوە بۆچەندین جاریش فرۆکە جەنگیەکانی تورکیا بۆردوومانی پەکەکەی کردووە بەڵام دوای بۆردوومان کردنی پارتی کرێکارانی کوردستان لەلایەن فرۆکەکانەوە شەڕ و رووبەرووبوونەوە لەنێوان هێزەکەی پارتی و پەکەکە رووی داوە.
هەروەها تۆڕی هەواڵی سلێمانی بڵاوی کردەوە شەڕ لە نێوان هێزێکی پێشمەرگە (هێزی رۆژ) و گەریلاکانی پەکەکە لە ناحیەی دینارتەی سەربە قەزای ئاکرێ ڕوویداوە و تا ئێستاش زەرەر و زیانەکانی نەزانراوە .
لایخۆیەوە ئاژانسی هەواڵی رۆژ نیوز نزیک لە پەکەکە بڵاویکردۆتەوە "پارتی هێزێکی تایبەتی بەناوی گوڵان کە ڕاستەوخۆ لەژێر فەرمانی مەسروور بارزانی دایە، لەگەڵ چەکی قورس ڕەوانەی ناوچەی گارە کردووە".
کۆدی هەواڵنێر: 60113
بۆچوونی بەکارهێنەران